Friður á mínu heimili alla vega í einhverja daga

Bóndinn er aðdáandi Arsenal og hefur ekki verið glaður yfir gengi þeirra undanfarið.  Meira að segja farið á leik í London og þeir töpuðu þá.  Minn bóndi ekki glaður.  Enn þetta gæti glatt hann alla vega næstu daga.  Takk fyrir þessa frétt.  

Drottningin og maðurinn minn

Bóndinn minn verður glaður.  Þetta segir manni enn fremur að þótt á móti blási þá ekki gefast upp.  Þetta voru skemmtilegar upplýsingar.  Alla vega á ég von á því að logn komist á heimilið mitt á ný við þessar fréttir.

Drottningin heldur með Arsenal

Koffín er það í lagi fyrir t.d. börn

Fyrir nokkrum árum þegar orkudrykkir urðu vinsælir.  Þá keyptu foreldrar þessa orkudrykki fyrir börnin sín og t.d. þegar ég var að versla fyrir vikuna á föstudegi, þá sá maður börnin drekka þessa drykki á meðan foreldrarnir versluðu.  Foreldrar þá vissu ekki hvað innihald var í þessum drykkjum, þeir einfaldlega gáfu börnum sínum í góðri meiningu að drekka þessa drykki.  Börnin urðu erfiðari eftir þessa neyslu án þess að foreldra skildu af hverju í sumum tilvikum.   Einnig voru þessir drykkir til sölu í sumum íþróttafélugum en ég tel að forráða menn félaganna vissu ekki líka af innilahaldslýsingunni og seldu þá í góðri trú.  Þetta er breytt held ég hjá félugum í dag.

Því miður þá tel ég að það sé ekki til góða að byrja að gefa börnum þessa drykki. Ástæðan er sú að þetta er örvandi efni og venst.  Seinna meir þarf meira örvandi efni sem því miður geta verið ólögleg.  Ég tel því að foreldra í dag þurfa að vera vel á varðbergi vegna þessara orkudrykkja.  Í þessum orkudrykkjum er mikið af koffein og guorana.  Þegar börn verða unglingar þá er aldrei að vita nema þau ánetjist sterkari efni í ólöglegum heimi. 

Foreldrar vilja allt það besta fyrir börnin sín, og þetta er eitt af því sem við sem ölum upp börn verðum að hugsa um.  Gangi ykkur vel í uppalendahlutverkinu.

Koffínmagn í drykkjum jókst verulega á sex ára tímabili

Sterainnfluttningur.

Hvað getur það sagt manni að nú árið 2007 hefur verið tekið í janúar, þá stærsti innfluttningur stöðvaður hingað til 13.000 einingar af sterum, svo nú í febrúar meira en helmingi fleiri einingar teknar ( 30.000 einingar ) á heimili formanns kraftlyftinga.  Mér er brugðið.  Getur það virkilega verið að það sé mun meira af þessum efnum á landinu en áður, eða er tollurinn og lögreglan að ná meiru en áður???  Eða getur verið að þetta sé samþætt.  ???

Hverjir eru eiginlega að taka þetta inn ???  Samkvæmt rannsóknum þá hefur verið sannað að þegar einstaklingur tekur inn þessi efni, þá verður til greindarskerðing.  Einstaklingurinn verður líka sterkari, reiðari og grimmari.  Hvernig fer svona blanda saman ??? 

Ég vorkenni ekki þeim sem ákveða að taka inn þessi efni, það er á þeirra ábyrgð að hugsa um heilsu sína.  Samkvæmt sænskri rannsókn þá deyja steranotendur mun fyrr en t.d. heroin neytendur, og þar munar um heil 10 ár.  Þar kemur helst til hjartavöðvinn sem þolir ekki þetta efni og áreynsluna sem af því hlíst.  Einnig er hellingur af öðrum aukaverkunum sem þeir geta orðið fyrir, t.d. blöðruhálskirtilskrabbamein, brjóstastækkun ( kirtillinn fer að stækka umbreytir t.d. testosteroni í estogen ), og svo það sem karlmenn vilja alls ekki missa en það er getan og getan til þess að frjófga egg konu sinnar. Sáðfrumurnar hverfa.   Þetta fer allt í vaskinn.  Vorkenni þeim ekkert, þeirra er valið.  En það sem er verra, er að eins og ég sagði hér fyrir ofan, þá verða þeir greindarskertari, siðferðið minnkar, verða sterkari og reiðari.  Já ég hef áhyggjur af ofbeldishneigð.  Ofbeldi eins og nauðganir, gróf ofbeldi á almennann borgara og ekki má gleyma ofsa akstri.   Þess vegna hef ég áhyggjur af notkun þessarra efna.  Einhverjir þessarra einstaklinga eiga einnig fjölskyldur og jafnvel börn. 

Fyrirfram greiddar barnabætur.

Mikið var ég hissa þegar ég opnaði bréf frá ríkisféhirðir.  Við gömlu hjónin fengum fyrirfram greiddar barnabætur!!!!  Höfum ekki séð svona bréf frá því 1989.  Erum á fullu að vera afi og amma.   Ég er dálítið sjokkeruð, gæti verið að ríkisféhirðir og fjármálaráðuneytið viti betur en ég hvort barn er undir belti mínu   .  Ég þori ekki fyrir mitt litla líf að fara til læknis.  Endilega hafið þetta fyrir ykkur.

Sjálfseyðingarhvötin grein eftir Ellert Schram

Hér kemur grein eftir Ellert sem kom í Fréttablaðinu í dag.  Þessi grein er allt sem segja þarf, er skrifuð eins og kæmi frá mér, en Ellert er mun betri penni en ég og kemst betur að orði.  Því kemur hér greinin hans.

Sjálfseyðingarhvötin
Þegar ég var í Sjálfstæðisflokknum fyrr á árum var hverjum manni ljóst að flokkurinn hafði breiðan faðm. Allt frá öfgafullum frjálshyggjupostulum til jarðbundinna jafnaðarmanna.
Þegar ég var í Sjálfstæðisflokknum fyrr á árum var hverjum manni ljóst að flokkurinn hafði breiðan faðm. Allt frá öfgafullum frjálshyggjupostulum til jarðbundinna jafnaðarmanna. Stórkapítalistar og eignamenn rugluðu saman reytum með launafólki og nytsömum sakleysingjum. Sumt af þessu fólki hafði jafnvel enga pólitíska skoðun aðra en þá að vera í flokknum. Þetta var líkast því að koma á trúarsamkomu þar sem fólk safnast saman sitt úr hverri áttinni án þess að þekkjast að öðru leyti. Þeir höfðu sem sagt vit á því að standa saman í flokknum um völd og áhrif. Þannig hafa þeir haldið völdunum og áhrifunum. Ólíkir eins og þeir voru og eru.
Andspænis slóst svo hin pólitíkin, innbyrðis, í keimlíkum litlum flokkum og var þeim verst sem hún unni mest.
Svo var það sem frjálshyggjuæðið greip um sig í Sjálfstæðisflokknum, stóriðjudraumar, græðgi og sérgæska var yfirþyrmandi leiðarljós á bænum þeim. Auðlindin í sjónum var afhent ókeypis til velunnara og vildarmanna, almannaeignir seldar á gjafaprísum og hlaðið undir misskiptingu og ójöfnuð. Þá þótti mörgum nóg um og hættu að mæta á trúarsamkomurnar.
Á sama tíma gerðust þau undur og stórmerki að félagshyggjuflokkarnir gengu í eina sæng undir merkjum jafnaðarstefnunnar. Regnhlífarsamtök frjálslynds og hófsams félagshyggjufólks voru í burðarliðnum og von kviknaði um nýjar áherslur og jafnvel straumhvörf í íslenskum stjórnmálum. Ég var einn af mörgum sem gekk til liðs við þessa fylkingu í þeirri von að manneskjuleg lífsgildi fengju brautargengi. Þetta var ekki spurning um vinstri eða hægri heldur um mannréttindi og jöfnuð. Enda fór þetta vel af stað. Í síðustu kosningum hrapaði Sjálfstæðisflokkurinn niður í sögulegt lágmark og hékk aðeins á völdunum í skjóli lítils Framsóknarflokks. Og nú þegar kosningaár var aftur að ganga í garð, var tækifæri til að láta kné fylgja kviði.
En það blæs ekki byrlega. Enn og aftur, rétt eins og í gamla daga, ætlar andstæðingum Sjálfstæðisflokksins að takast að klúðra sinni eigin stöðu. Allt það góða fólk sem vill styrkja velferðarkerfið, auka félagslegt réttlæti, draga úr stóriðjuframkvæmdum og náttúruspjöllum, koma til móts við aldraða og öryrkja, allt fólkið sem er andvígt frjálshyggjuæðinu og lögmáli frumskógarins, sýnist ætla að ganga til kosninga í krafti sundurlyndisfjandans. Hver upp á eigin spýtur, hver í sínum litla sjálfumglaða heimi, nákvæmlega eins og Sjálfstæðisflokkurinn hefði hannað þessa kosningabaráttu fyrir sjálfan sig. Og að loknum kosningum getur hann valið sér undirgefinn meðreiðarsvein, eins og gerðist í kosningunum í Reykavík í vor.
Skoðum stöðuna. Til að ná vopnum sínum gagnvart ríkisstjórninni eru ráðagerðir uppi meðal öryrkja að bjóða fram sér. Manni skilst að tvö framboð séu í undirbúningi í nafni aldraðra. Framtíðarlandið íhugar að bjóða fram sér. Frjálslyndir tvístrast hugsanlega í tvö framboð. Allt er þetta fólk óánægt og gagnrýnið á ráðslag stjórnvalda (les. Sjálfstæðisflokksins), á sínum málum, en veður síðan áfram í þeirri skammsýni að stofna til fleiri framboða, sem allt mun verða vatn á myllu Sjálfstæðisflokksins. Eða hvaðan munu þau atkvæði koma, sem þessi sérframboð sækjast eftir nema frá þeim sem eru andvígir núverandi ríkisstjórn?
Jafnvel Jón Baldvin, maðurinn sem hefur það fyrir hugsjón að búa til sterkan jafnaðarmannaflokk, reifar þá hugmynd frammi fyrir alþjóð að til greina komi að efna til sérframboðs!
Manni fallast hendur. Hvenær ætla frjálslyndir jafnaðarmenn þessa lands að átta sig á því að þeir eru að grafa sína eigin gröf með þessum smáflokkasérframboðum? Sjálfstæðisflokkurinn fitnar á fjósbitanum í hvert skipti sem nýtt framboð stingur upp kollinum. Það verður engin breyting í íslenskum stjórnmálum, ekki um einn þumlung, meðan jafnaðar- og félagshyggjumenn allra flokka berast á banaspjótum hver gegn öðrum. Þetta er óskastaða fyrir íhaldið. Þá getur það deilt og drottnað, þá eiga stjórnarandstæðingar, umhverfissinnar, aldraðir, öryrkjar og allir þeir sem vilja núverandi valdhafa út úr stjórnarráðinu, síþverrandi möguleika á að koma málum sínum í höfn. Þeir mála sig út í horn.
Maður skyldi halda að þetta annars góða fólk sé haldið sjálfseyðingarhvöt. Hafi skipað sér í raðir sjálfsmorðssveita íslenskra stjórnmála. Þetta væri svo sem allt í lagi ef hér væri ekkert annað undir en kapphlaup um að gerast hækja stærsta andstæðingsins. En ég hélt að stjórnmál gengju út á það að láta sameiginlegan málstað ráða för. Og sá málstaður hefur meirihluta þjóðarinnar á bak við sig ef honum auðnaðist að standa saman í einu liði, einni órjúfandi fylkingu.
Hversu oft þurfa menn að tapa í kosningum til að átta sig á þessum veruleika?

Fiskurinn "okkar" er munaðarvara á matarborði mínu

María Gylfadóttir stjórnmálafræðingur skrifar í Fréttablaðið um verðmun á fiski í könnunum í dag.  Hér kemur greinin:

Til háborinnar skammar

verðmunur á fiski í könnun

Verðkönnun ASÍ sýndi nýlega fram á gríðarlegan verðmun á fiski eftir verslunum á höfuðborgarsvæðinu, Könnunin sýndi einnig að verð hafði hækkað talsvert frá því í fyrra.

Verðkönnun ASÍ sýndi nýlega fram á gríðarlegan verðmun á fiski eftir verslunum á höfuðborgarsvæðinu, Könnunin sýndi einnig að verð hafði hækkað talsvert frá því í fyrra.

Hvað finnst þér um þennan verðmun? "Þetta kemur mér kannski ekki mikið á óvart en þessi niðurstaða sýnir tvennt: það er ekki virk samkeppni og samkeppniseftirlit í landinu og neytandinn stendur sig ekki í því að gera verðsamanburð. Við verðum að taka okkur saman neytendur og neita að kaupa vöru sem er allt að níutíu prósentum dýrari en hægt er að fá hana annars staðar. Svo finnst mér til háborinnar skammar hjá einni mestu fiskveiðiþjóð heims að fiskverð sé með því hæsta sem gerist á heiminum, sérstaklega á þessum tímum þegar umræðan snýst að miklu leyti um offitu."

Hvað er hægt að gera?

"Tvennt er að hægt að gera við þessu. Það er hægt að efla samkeppniseftirlitið svipað og það sem fjármálaráðherra hefur boðað ef birgjar og verslanir standa sig ekki í að skila lækkun virðisaukaskatts og afnámi vörugjalda til neytenda. Svo getum við neytendur sjálf veitt aðhald á þessum markaði. Við verðum að vera miklu meðvitaðri um það hvað við erum að borga fyrir matvöru. Það skiptir okkur máli. Ég spyr mig af hverju fiskur er kominn í flokk lúxusvara þegar það er ekki þar með sagt að hann eigi að vera þar.

Ég hef alla vega tekið eftir því að þegar ég versla fisk í fiskverlsunum, þá borgar maður fyrir hann eins og um munaðarvöru er að ræða.  Svo segja þeir sem vit hafa á þessu að þessar fiskverslanir eru hjá einum eiganda. 

Þegar ég var lítil, þá var fiskur í nær öll mál og skyr á eftir.  Enda tel ég mig afar hrausta konu í dag ( 7 9 13 og slá undir borð ).  Þá var fiskurinn mjög mjög ódýr vara.  Hvernig stendur á þessu að við sem erum fiskiþjóð, skulum þurfa að greiða ofur hátt verð fyrir soðninguna.??  Er fsikbúðirnar að verða eins og sagan með kvótann.???

Stærsti innfluttningur á sterum til Íslands.

Einu fréttirnar af þessum innfluttning er á visir.is.  Virðist eins og þetta sé ekkert merkilegt.  Hvað er að fjölmiðlum yfirleitt. Ef maður er ekki laminn eða örkumlaður þá er það ekki frétt. 

Set hér fréttina í heild sinni.

  Tollverðir fundu töflurnar á föstudag. Maðurinn var síðan handtekinn á mánudaginn þegar hann ætlaði að sækja póstsendinguna.

Fréttablaðið, 25. jan. 2007 06:45

Fundu 13.000 töflur
Karlmaður á fertugsaldri var handtekinn á mánudag þegar hann sótti póstsendingu, stílaða á verslun í hans eigu, sem innihélt rúmlega 13.000 steratöflur. Tollverðir í Reykjavík fundu töflurnar við reglubundið eftirlit síðastliðinn föstudag. Verslun mannsins er á Suðurnesjum og því var lögregluembættinu þar falin umsjón með málinu.

Að sögn Eyjólfs Kristjánssonar, fulltrúa lögreglustjórans á Suðurnesjum, var ákveðið að bíða með að handtaka manninn þar til eftir að maðurinn næði í sendinguna, en töflurnar komu með pósti frá Taílandi.
Eyjólfur segir að talið sé nokkuð víst að maðurinn hafi staðið einn að innflutningnum.

Hann vildi ekki útiloka að maðurinn hefði áður flutt inn svona efni þar sem rannsókn málsins væri ekki lokið að fullu, en taldi það þó ekki líklegt. „Við erum að vinna í því að greina hvaða efni þetta eru í töflunum og styrkleika þeirra. En þetta er óvenjumikið magn. Ég man ekki eftir svona stóru steramáli í fljótu bragði. Það eru því líkur á því að þetta hafi verið ætlað til dreifingar."

Til samanburðar lagði tollgæslan á Keflavíkurflugvelli hald á eina sendingu af sterum allt árið í fyrra og var þar um 700 töflur að ræða.

Þessi innfluttningur er alveg eins og um venjuleg fýkniefni sé að ræða. Ekkert smá magn af tölfum.  Að mínu mati hið alvarlegasta mál.  Þeir sem ánetjast sterum, verða bæði sterkari og reiðari, og hvernig fer það t.d. við heimilishald, umferð og almennt í þjóðfélaginu.  Hef af þessu miklar áhyggjur.  Er bara ekki góða lýsið það besta sem maður tekur inn.  Alla vega þegar ég var að alast upp.

Afnám verðtrygginga fjárskuldbindinga.

Þetta segir Jóhanna Sigurðardóttir :

Guðni Ágústsson vill afnema verðtryggingu fjárskuldbindinga. Jón viðskiptaráðherra líka, bara ekki núna því það er svo mikil þensla og verðbólga. Athyglisvert var að hlýða á Jón í þinginu í dag þegar hann gaf efnahagsstjórn ríkisstjórnarinnar þessa einkunn. Jón viðskiptaráðherra vill líka koma á greiðsluaðlögun fyrir skuldug heimili. Það upplýsti ráðherrann á Alþingi í dag sem svar við fyrirspurn minni um það efni. Á hverju ári frá 1997 eða í 10 ár hef ég ásamt öðrum þingmönnum Samfylkingarinnar flutt þetta mál, en því hefur ávallt verið hafnað af stjórnarliðum. En nú eru að koma kosningar og þá gefa stjórnarliðar loforð í allar áttir.

Áfram með þetta málefni Jóhanna, það skiptir sköpum fyrir venjulegt fjölskyldufólk.

Íslendingar hræddir við evruna !!!!!

Samkvæmt skoðanakönnun Fréttablaðsins eru nær 63% Íslendinga sem vilja ekki að evran verði tekin upp.  Þetta eru væntanlegar tölur þeirra sem tóku afstöðu.  Ég skil ekki þessa hræðslu við evruna, alla vega ekki afstöðu almennings.  Ég tel að það þyrfti að koma af stað umræðu/fræðslu svo almenningur geti gert sér grein fyrir því hvað myndi ávinnast og hvað ekki.  Ég er ein af þeim sem tók afstöðu fyrir þó nokkuð mörgum árum síðan.  Ég er hlynnt evrunni.  Bóndinn var ekki á sömu skoðun og ég þá en skoðun hans er að breytast sem betur fer.  Ríkistjórnin og Seðlabankinn leikur sér að krónunni okkar.  Þeirra vald myndi minnka með innleiðingu evrunnar. Þetta er mín skoðun.