Afnám verðtrygginga fjárskuldbindinga.

Þetta segir Jóhanna Sigurðardóttir :

Guðni Ágústsson vill afnema verðtryggingu fjárskuldbindinga. Jón viðskiptaráðherra líka, bara ekki núna því það er svo mikil þensla og verðbólga. Athyglisvert var að hlýða á Jón í þinginu í dag þegar hann gaf efnahagsstjórn ríkisstjórnarinnar þessa einkunn. Jón viðskiptaráðherra vill líka koma á greiðsluaðlögun fyrir skuldug heimili. Það upplýsti ráðherrann á Alþingi í dag sem svar við fyrirspurn minni um það efni. Á hverju ári frá 1997 eða í 10 ár hef ég ásamt öðrum þingmönnum Samfylkingarinnar flutt þetta mál, en því hefur ávallt verið hafnað af stjórnarliðum. En nú eru að koma kosningar og þá gefa stjórnarliðar loforð í allar áttir.

Áfram með þetta málefni Jóhanna, það skiptir sköpum fyrir venjulegt fjölskyldufólk.

Athugasemdir

[Dofri Hermannsson (IP-tala skráð) 24.1.2007 kl. 23:33]

20 milljóna húsnæðislán til 40 ára sem tekið var fyrir tveimur árum hefur hækkað upp í 22.4 milljónir. Þótt það sé búið að borga 100 þúsund kr. á mánuði í afborganir, eða samtals 2,4 milljónir þá hefur lánið ekkert lækkað heldur hækkað.

Til að bæta gráu ofan á svart ákvað ríkisstjórnin að skera niður vaxtabæturnar.